तनहुँ जिल्लाभर नै अब सार्वजनिक यातायातका साधन चल्ने भएका छन् ।
जिल्ला प्रशासन कार्यालय तनहुँमा बसेको जिल्ला कोभिड संकट व्यवस्थापन समितिको बैठकको निर्णयअनुसार यस अघि राजमार्ग क्षेत्रमा मात्र सार्वजनिक यातायात सञ्चालनको अनुमति दिइएकामा अब यो साउन १ गतेबाट जिल्लाभर लागू हुने भएको छ ।
तर यातायातका सार्वजनिक साधनले जोर बिजोर प्रणालीको भने पालना गर्नुपर्नेछ । साउन १० सम्म निषेधाज्ञा जारी गरेको प्रशासनले होटल व्यवसायलाई बिहान नौ देखि दिउँसो तीन बजेसम्म सञ्चालनको अनुमति पनि दिएको छ ।
